Румын улсад энэ сарын 8-11-нд хуралдсан Дэлхийн шатрын холбооны их хурлаар Батцоожийн Аминаг их мастер цолны болзол хангасныг албан ёсоор зарлажээ. Ингэснээр Монгол Улс олон шатрын ес дэх их мастераа өлгийдөн авч байгаа юм.

Б.Амина нь Дорнод аймгийн "Их мастер" клубийн тамирчин, өдгөө 17 настай. Тэрээр Монголын эмэгтэй тамирчдын тав дахь их мастер болж байгаа нь энэ. Түүнээс өмнө гавьяат тамирчин Т.Батчимэг, Б.Мөнгөнтуул, залуу шатарчин А.Энхтуул, Д.Номин-Эрдэнэ нар уг цолыг хүртээд байсан юм.