Засгийн газрын гишүүд эдгээр өдрүүдэд дүүргүүдэд ажиллаж байгаа. Өчигдөр Зам тээврийн хөгжлийн  сайд Д.Ганбат Хан-Уул дүүргийн удирдлагуудтай уулзаж тус дүүрэгт тулгамдаж буй асуудлуудтай танилцсан юм.

Уулзалтын үеэр Хан-Уул дүүргийн удирдлагууд тус дүүрэгт тулгамдаж буй асуудлууд болон яаралтай шийдвэрлэх шаардлагатай зам засварын ажил болон бусад асуудлуудыг сайдад танилцууллаа.

Энэ үеэр ЗТХ-ийн сайд Д.Ганбат “Хан-Уул дүүргийн Дунд гол болон төмөр замыг дамнасан автомашиын түгжрэлийн асуудлыг ярьж байна. Түгжрэлийн асуудлыг шийдэхийн тулд нүхэн гарцууд нэмэх гүүр барих асуудлуудыг бид эрчимжүүлэх ёстой” гэв.

Хан-Уул дүүргийн хувьд энэ онд засах шаардлагатай зургаан замын засварын ажил байгаа аж. Гэхдээ улсын төсвөөр энэ онд ямар ч зам талбай засварлах хөрөнгө байхгүй учраас концессийн гэрээ болон бусад арга замыг хайж асуудлуудыг шийднэ гэж ЗТХ-ийн сайд Д.Ганбат мэдээллээ.