“Disney” компанийн уран бүтээл “Mulan” хүүхэлдэйн киноны уран сайхны хувилбарын гол дүрийн жүжигчин Лю Ифэй Хонконгийн цагдаагийн ажилтнуудыг дэмжиж буйгаа илэрхийлсэнтэй холбогдуулан уг киног үзэхгүй байх уриалга нийгмийн сүлжээгээр тархжээ.

Тодруулбал, Хятадын жүжигчин бөгөөд АНУ-ын иргэн Лю Ифэй нь Хятадын “Weibo” нийгмийн сүлжээний хавсралтад цагдаагийн ажилтнуудыг дэмжсэн утга бүхий сэтгэгдэл үлдээсэн ажээ. 

Лю Ифэй Хятадын Засгийн газрын харьяа “People's Daily” сонингийн нийтлэлийг өөрийн хуудсандаа нийтлээд, “Би ч бас Хонконгийн цагдаа нарыг дэмжиж байна. Та нар одоо намайг шүүмжилж болно” хэмээн бичсэн байна.