Хөлбөмбөгийн 2022 оны ДАШТ, 2023 оны Ази тивийн АШТ-ий урьдчилсан II шатны "F" хэсэгт багтсан Тажикистаны шигшээ баг өнөө өглөө Москвагаар дамжин Улаанбаатар хотноо иржээ.

Тэд мягмар гарагийн /2019.09.10/ 17 цагаас Монголын шигшээ багтай хэсгийн 2 дахь тоглолтоо хийх юм. Одоогоор хоёр баг ижил 3 оноотой хэсгээ тэргүүлж байгаа.

Усмон Тошев ахлах дасгалжуулагчтай тажикууд 21 тоглогчийн бүрэлдэхүүнтэй бөгөөд 3 хаалгач, 7 хамгаалагч, 8 хагас хамгаалагч, 3 довтлогчтой иржээ.