Монголын Ногоон намаас "Даян дэлхийн Ногоон намын чуулган"-д оролцох талаар өнөөдөр мэдээлэл хийлээ. Тэрээр тус намаас чуулганд Улаанбаатар хотын агаарын бохирдол, цаг уурын өөрчлөлтийн эсрэг дэлхий нийтийн анхаарлыг хандуулахаар болжээ. Ирэх сарын 30-ны өдөр Английн Ливерпүүл хотноо зохион байгуулагдах уг чуулганд Монголын Ногоон нам 15 хүний бүрэлдэхүүнтэй оролцох юм байна.
Тус намын зүгээс иргэдэд өмчлүүлсэн 0.07 га талбайд, Засгийн газрын хөнгөлөлттэй үнээр нарны хавтан нийлүүлж, айл бүрийн өмчлөлийн талбайд суурилуулснаар агаарын бохирдлыг бууруулаад зогсохгүй, хувь иргэнд ашигтай гэдгийг онцолж байгаа юм.
