Нийслэлийн Баянзүрх дүүргийн тавдугаар хорооны “Ус сувгийн удирдах газрын авто бааз”-ын урд талын дулааны шугам сүлжээний худаг дотор хүний цогцос байна гэсэн дуудлага тус дүүргийн цагдаагийн 2 дугаар хэлтэст өчигдөр иржээ.
Уг дуудлагын дагуу нийслэлийн аврах ангийн 5 алба хаагч, 1 автомашинтай 10.5 км замыг туулан 20:19 цагт очиж, нэр, нас, харьяалал нь тодорхойгүй эмэгтэй хүний цогцсыг гаргаж, тус дүүргийн цагдаагийн 1 дүгээр хэлтсийн мөрдөгчид шилжүүлэн өгсөн гэж Онцгой байдлын ерөнхий газраас мэдээллээ.