АН-ын даргын сонгуулийн хорооны дарга Ж.Оюунбаатар “Blue Sky”-д намын даргын сонгуулийн дүнгийн талаар мэдээлэл хийлээ. Тэрээр “АН-ын даргын сонгуулийн дүн нэгтгэх үйл ажиллагааг өчигдөр шөнө явуулж одоогийн байдлаар нийтдээ 20 аймаг, найман дүүргийн дүнг хүлээж аваад байна. 20 аймаг, 8 дүүргийн сонгуулийн нэгтгэсэн дүнгээр Н.Алтанхуяг 1640.60 оноотой, Ж.Батзандан 1012.36 оноотой, Л.Гантөмөр 1279.43 оноотой, С.Эрдэнэ 2714.45 оноотой, Д.Эрдэнэбат 801.31 оноо авсан байдалтай байна. Энэ бол нийт авах ёстой 8350 онооноос 7450 оноог авсан. 
Албан ёсны дүнг өнөөдөр хэвлэлийн бага хурал хийж зарлах юм байна.