УИХ-аас тэтгэврийн зээлийг тэглэх тухай хууль баталснаар ахмадуудын зээлийг нэг удаа төрөөс тэглэж, 2020 оны нэгдүгээр сарын 1-нээс эхлэн тэтгэврийн зээл олгохыг түр зогсоогоод байсан юм.

Харин өчигдрөөс эхлэн Төрийн банк, өнөөдрөөс ХААН банк зургаан сар хүртэлх хугацаатай, 1.4 хувийн хүүтэй тэтгэврийн зээлийг олгож эхлээд буй. 

Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуульд Ахмад настан жилд нэг удаа зургаан сарын хугацаатай тэтгэврийн зээл авах эрхтэй гэсэн заалтыг үндэслэн энэхүү зээлийг тус арилжааны банкууд гаргахаар болжээ.

Тэгвэл өнөөдөр Хаан банк болоод Төрийн банк тэтгэврийн зээл авах гэсэн иргэдийн хөлд дарагдаад байгаа ажээ.