УИХ-ын гишүүн Б.Батзориг гишүүний бүрэн эрхээсээ татгалзлаа гэх мэдээлэл олон нийтийн мэдээллийн хэрэгслээр цацагдаж эхэлсэн.

Тэгвэл УИХ-ын гишүүн, ХХААХҮ-ийн сайд асан Б.Батзориг чөлөөлөгдөх хүсэлтээ дөнгөж сая УИХ-ын даргад өгчээ. 

Түүний хүсэлтийг ирэх Даваа гарагт нээлтээ хийх УИХ-ын хаврын чуулганаар хэлэлцэх юм байна. 

Б.Батзориг нь ХХААХҮ-ийн сайдаар ажиллаж байх хугацаандаа өөрийн хамаарал бүхий хоёр ААН-д нийт 3 тэрбумын зээл олгосон нь нотлогдсон байдаг. Шүүхээс түүнд хилийн хориг тавиад байгаа. Улмаар түүнд хэргийн шүүх хурал өнгөрөгч гуравдугаар сарын 17-нд товлогдсон ч Хяналтын прокурор Р.Батнасан нь эрүүгийн хэрэг хянан шийдвэрлэх хойшлуулшгүй ажиллагаанд оролцох болсон үндэслэлээр шүүх хуралдааныг хойшлуулсан билээ.