Энэ жилийн наадмыг өргөн дэлгэр бус тодорхой хүрээнд зохион байгуулна гэсэн Улсын онцгой комиссын шийдвэр гарсан. 

Тэгвэл энэ жилийн улс, аймаг, сумын наадмыг нэгэн зэрэг буюу долдугаар сарын 11-12-нд байхаар  шийдвэрлэсэн байна. Ингэхдээ Төв цэнгэлдэх хүрээлэнд бус хөдөө талд наадмыг зохион байгуулах аж. 

Мөн улсын наадамд зургаан насны морьд уралдахаар болжээ. Тэгэхдээ өмнөх жилүүдийн жишгээр үүлдэрлэг байдлыг нь харгалзан, сэрвээнийх нь өндрийг хэмжинэ. Аргамаг хүлгээ түрүүлгэж, айрагдуулсан уяачдын шагналыг Төв цэнгэлдэхэд бус Хүй долоо худгийн зүлэг ногоон дэнжид гардуулахаар болжээ.