УИХ-ын 2020 оны сонгуулийн дүн урьдчилсан байдлаар гарсан бөгөөд МАН одоогоор 62 суудал авах нь тодорхой болоод буй.

Сонгуулийн ерөнхий хорооны самбар дээр 03:00 цагийн байдлаар харуулсан дүнгээр МАН-аас сонгогдсон гишүүд дундаас хотын дарга С.Амарсайхан хамгийн өндөр санал авжээ. Тэрбээр тойргийнхоо нийт сонгогчдын 68.62 хувийн саналаар УИХ-д суух эрхээ авсан байна.

Түүний араас Б.Дэлгэрсайхан, У.Хүрэлсүх, Л.Оюун-Эрдэнэ, Н.Учрал, С.Чинзориг, О.Цогтгэрэл нар сонгогчдынхоо 60-аас дээш хувийн саналаар сонгогдлоо.