УИХ-ын 2020 оны сонгуулийн дүн урьдчилсан байдлаар гарсан бөгөөд МАН одоогоор 62 суудал авах нь тодорхой болоод буй.

Сонгуулийн ерөнхий хорооны самбар дээр шөнийн 03:00 цагийн байдлаар харуулсан дүнгээр Тойргийнхоо сонгогчдоос хамгийн өндөр хувийн санал авсан гишүүдийг хотын дарга С.Амарсайхан тэргүүлж байсан бол зургаадугаар сарын 25-ны өглөөний байдлаар У.Хүрэлсүх эхэнд бичигдэж орж ирлээ.

Тэрбээр нийт сонгогчдынхоо 72.24 хувийн санал буюу 25,356 хүний саналаар сонгогдсон бол Л.Оюун-Эрдэнэ 71.71 хувь буюу 25,169 хүний санал авч, шинэ УИХ-д сонгогдож байна.

Харин хамгийн олон хүний санал авсан гишүүдэд

• Н.Учрал - 53,651
• Х.Ганхуяг -  50,073
• Ж.Ганбаатар - 48,624
• Ж.Чинбүрэн - 41,004

хүний саналаар эхэнд бичигджээ.