Өнгөрсөн зургадугаар сард БНХАУ-ын Засгийн газар ӨМӨЗО-ны Тунляо хотын дунд сургуулиудад Монгол хэл, бичгийг хязгаарлах шийдвэр гаргасан. Улмаар Өвөрмонголын ард иргэд тус бодлогыг эсэргүүцэж өнгөрсөн долдугаар сараас эхлэн эрчимтэй эсэргүүцлийн хөдөлгөөн өрнүүлж буй. 

Тэгвэл Өвөрмонголын зарим хошуунд өрнөж байгаа жагсаалыг Хятадын эрх баригчид цэргийн хүчээр дарж, сарниулахаар болсон бололтой.

Тодруулбал, өчигдөр жагсагчдыг тараахаар Хятадын ардын чөлөөлөх армийн байлдааны хуягт машинууд хот руу орж ирсэн талаар бичлэг олон нийтийн сүлжээнд тараад байна.