Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хуулийн дагуу нэр дэвшигчид өнөөдөр үнэмлэхээ гардан авлаа. 

Нэр дэвшигчдийн үнэмлэхийг тухайн засаг захиргааны нэгж дэх сонгуулийн хорооноос гардуулав.

Нийслэлийн сонгуулийн хорооноос Монгол Ардын Хувьсгалт Нам, Монголын Ногоон Нам, Монгол Ардын Нам, Ардчилсан Нам, Дэлхийн Монголчууд Нам зэрэг таван нам, Сахигтун! Үндсэн хуулийн 19 эвсэл, хоёр бие даагчийн үнэмлэхийг гардуулсан байна. 

Ийнхүү нэр дэвшигчид үнэмлэхээ гардсанаар Аймаг, нийслэл, сум, дүүргийн ИТХ-ын сонгуулийн сурталчилгаа өнөөдрөөс албан ёсоор эхэлж байна. Сонгуулийн сурталчилгаа аравдугаар сарын 13-ныг дуустал үргэлжлэх юм.