Дэлхийн эрүүл мэндийн байгууллагын ерөнхий захирал Тедрос Аданом Гебрейесус коронавирусийн халдвар авсан хүнтэй харилцсаныхаа дараа өөрийгөө тусгаарлажээ.

Тэрбээр өөрийн цахим хуудсаараа “Миний харьцсан хүмүүсийн нэгнээс коронавирусийн халдвар илэрсэн. Одоогоор миний биеийн байдал сайн байна. Шинж тэмдэг илрээгүй ч би ДЭМБ-ын протоколын дагуу ойрын өдрүүдэд өөрийгөө тусгаарлаж, гэрээсээ ажиллах боллоо” хэмээн мэдэгджээ. Өмнө нь Этиоп улсын Гадаад хэргийн сайдаар ажиллаж байсан тэрбээр 2017 онд ДЭМБ-ын тэргүүнээр сонгогдсон юм.