Ихэнх томоохон арилжааны телевизүүд өчигдөр орой эфирээ түр хааж, "Иргэдийн мэдэх эрхэнд онц аюул учирлаа" гэсэн сануулгыг эрх баригчдад өглөө. Энэ УИХ-аар хэлэлцэж буй Зөрчлийн тухай хуультай холбоотой юм.
Байнгын хорооны хуралдаанаас Зөрчлийн тухай хуульд хэвлэл мэдээллийн хэрэгсэл, твиттер, фэйсбүүкээр хүн гүтгэвэл 10-20 сая төгрөгөөр торгох заалт оруулах санал гаргасан нь иргэд, олон нийт, хэвлэлийн байгууллагуудын эсэргүүцэлтэй тулгарч, ийнхүү телевизүүд эфирээ нэг цагийн хугацаанд хаахад хүргэв.
