БШУЯ-наас гуравдугаар сарын 1-нээс танхимын хичээлийг эхлүүлэх байр сууриа илэрхийлсэн тухай УОК-ын хэвлэлийн төлөөлөгч, Засгийн газрын ХМОНХХ-ийн дарга Ц.Ганзориг хэллээ.
Тэрбээр "Дархлаажуулалтын явцад хүүхдүүдийг танхимаар хичээллүүлэх нь эрсдэлтэй гэж үзэж байгаа. Мөн сургуулийн танхимуудыг вакцинжуулах ажилд ашиглах талаар яригдаж байгаа ч эцэслэн шийдээгүй байна. Яам энэ асуудлыг дэмжихгүй байгаа. Вакцинжуулах ажлыг хэрхэн зохион байгуулахыг дараа нь танилцуулна. БШУЯ-наас гуравдугаар сарын 1-нээс хичээлийг танхимаар эхлүүлэх санал гаргаж байгаа.
УОК болон Шадар сайд гуравдугаар сарын 1-нээс танхимын хичээлийг эхлүүлэх ёстой гэсэн санал байхгүй. Энэ асуудлыг Засгийн газрын өнөөдрийн хуралдаанаар хэлэлцэж байгаа" гэв.
