Монгол ардын намын 100 жилийн ойг тохиолдуулан тус намын болон МАХН-ын зарим удирдлага, гишүүд жанжин Д.Сүхбаатарын хөшөөнд цэцэг өргөж, Чингис хааны хөшөөнд хүндэтгэл үзүүллээ. Цар тахлын нөхцөл байдал хүнд байгаа энэ үед тэд харин амны хаалтаа зүүгээгүй харагдаж байгаа нь сошиал орчинд олны шүүмжлэлд өртөөд байна.

Хүн амын дунд эрүүл мэндийн зан үйлийг дадал болгож бүрэн хийж чаддаг болоход нь үлгэр дуурайлал үзүүлэх бодит хүмүүс нь тэд. Энэ талаар Health belief model буюу эрүүл мэндийн итгэл үнэмшлийн загварт маш тодорхой дурддаг. Гэтэл манайд үлгэр дуурайлал үзүүлэх ёстой  төрийн түшээд амны хаалтаа (маск) зүүгээгүй нь иргэдийг "амны хаалтаа аваа" гэж уриалж буй мэт харагдаж байна. Үг хэл , үйлдэл бүрээ нэг болгоё төрийн түшээд ээ!