Халдварын тархалт, цар хүрээ өдрөөс өдөрт нэмэгдэж байгаа тул Эрүүл мэндийн яамнаас хатуу хөл хорио тогтоох саналаа Улсын Онцгой комисс  болон Засгийн газарт хүргүүлээд байгаа билээ. Уг асуудлаар УОК хуралдаж эхэллээ. 

Энэ талаар Засгийн газрын Хэвлэл мэдээлэлтэй харилцах албаны дарга Ц.Ганзориг "Шийдвэр гарангуут ЗГ-ын хуралдаан руу оруулах саналыг мэдээлж өгөх тул элдэв таамаг үүсгэлгүй байж байхыг хүсье ээ" хэмээсэн юм.

Хатуу хөл хорио тогтоох эсэх нь одоогоор тодорхойгүй байгаа бөгөөд УОК саналаа Засгийн газарт өргөн барьж, улмаар Засгийн газар хуралдсанаар эцсийн шийдвэр гарах юм.