Барилга хот байгуулалтын салбарын нээлттэй хаалганы өдөрлөг энэ сарын 16-17-ны өдрүүдэд Сүхбаатарын талбайд болно. Энэхүү арга хэмжээнд зочилсоноор хот байгуулалт, газрын харилцаа, геодези, зураг зүй, барилга, барилгын материалын үйлдвэрлэл, орон сууц, нийтийн аж ахуй, шинэ техник технологи, мэдээлэл, зөвлөгөө үйлчилгээг иргэд нэг дороос авах боломжтой аж.
Өөрөөр хэлбэл, өдөрлөгт оролцсон иргэд өөрийн сонирхсон болон шаардлагатай мэдээлэл, зөвлөгөөг яамны ажилтнуудаас биечлэн авч, бодлого, үйл ажиллагаатай холбоотой санал бодлоо чөлөөтэй илэрхийлэх боломж бүрдэх юм.
