2021 оны тавдугаар сарын 8-ны өдрийн 06:00 цагаас улсын хэмжээнд Бүх нийтийн бэлэн байдлын зэргийг бууруулж, өндөржүүлсэн бэлэн байдлын зэрэгт шилжүүлэх шийдвэр өнөөдөр Засгийн газраас гаргасан. Өндөржүүлсэн бэлэн байдлын зэргийн үед мөрдөгдөх журмын талаар УОК-оос мэдээлэл хийлээ.
Энэ үеэр Шадар сайд С.Амарсайхан “Хот, орон нутгийн хөдөлгөөнийг мөн 22-нийг хүртэл 14 хоног хязгаарлаж байна. Хоёрдугаар тунгаа хийлгэсэн иргэд ч гэсэн энэ сарын 22-ноос цаашаа орон нутгийн зорих эрх нь нээгдэнэ.
Урамшууллын 50 мянган төгрөгийг иргэд хоёр тундаа хамрагдсан даруйд данс руу нь шилжихээр сангийн яамнаас ажиллаж байна” гэв.
