УИХ-ын хаврын ээлжит чуулганы 2021 оны тавдугаар сарын 6-ны өдрийн хуралдаан эхэллээ.
Сүхбаатарын талбайд өлсгөлөн зарлаж буй УИХ дахь Ардчилан намын бүлгийн гишүүд цагдаа хууль хүчний байгууллага УИХ-ын гишүүний бүрэн эрхэд халдаж буй талаар хэллээ.
Үүний хариуд УИХ-ын дарга Г.ЗАНДАНШАТАР "Үндсэн хуулиа сахиж ажилла. УИХ хууль тогтоодог байгууллага болохоос биш, хууль сахиулдаг байгууллага биш. Дотоод асуудлаа дотооддоо л шийд. УИХ намын дотоод асуудлыг шийддэг газар биш. Тамга тэмдгээ булаацалдчихаад энд ирээд хэрүүл хийгээд байх юм." гэлээ.
УИХ-ын гишүүн Ц.ТУВААН "УИХ-ын гишүүд Үндсэн хуулиар олгогдсон эрхээ эдэлж байна. Жагсах, цуглах, өлсгөлөн зарлах нь бидний эрхийн асуудал. УИХ-ын гишүүний унаа, биед нь халдахгүй байх хуультай бол тэрийг хэрэгжүүл л дээ. Тийм заалт байдаггүй бол байхгүй гээд наанаасаа хэлчих, УИХ-ын дарга аа." гэлээ.
