“Улаанбаатар би чамд хайртай”, “Рекет”, “One night”, “ТҮЦ-ний охид” зэрэг дэлгэцийн олон бүтээлд дүрээ бүтээж, өхөөрдөм төрх, авьяас чадвараараа танигдсан залуу жүжигчин Т.Бадамжавыг үзэгчид Жерри нэрээр нь андахгүй.
Мөн Алдар+Жерри инээдмийн цувралд тоглосноор нь үзэгчид илүү сайн мэдэх болсон билээ.
Хошин урлагийн “Эмоци” продакшинд харьяалагдаж яваа жүжигчин Т.Бадамжав шинэ гал тогооны тавилгатай болжээ. Энэ тухайгаа “Би урьд насандаа нэг улсыг аварсан байхаа. Тэгээд л ийм сайн хань заяажээ” хэмээн нөхрөө магтсан байна.
Түүний нөхрийг Хосоо гэдэг. Тэд 2019 онд хурим найраа хийж, гал голомтоо бадраасан. Өдгөө гурван настай бяцхан хүүтэй.
