“Токио-2020” олимпын наадмын медальтнууд, Монголын тамирчдын түрүүч өчигдөр орой эх орондоо ирлээ. Энэ үеэр тамирчдын ар гэрийнхэн Чингис хаан нисэх онгоцны буудлаас хадаг, сүү, цэцэг зэргийг барин угтсан юм.

Энэ үеэр Олимпын мөнгөн медальт Монгол Улсын жүдо бөхийн тамирчин Саид Моллаей “Хоёр сар амраад бэлтгэлээ үргэлжлүүлнэ. Дараагийн олимпоос алтан медаль авна гэдгээ амлая. Олон найзтай болсон учраас Монголдоо үлдэнэ.

Намайг Молом гэж дуудаж байгаа Монголчууддаа баярлалаа. Надад таалагдаж байгаа. Гоё нэр байна. Монголчууддаа хандан та бүгдэд чин сэтгэлээсээ баярлалаа гэж хэлье." гэлээ.