Зуны олимпын 32 дахь удаагийн наадамд өнөөдөр чөлөөт бөхийн гурван монгол тамирчин өрсөлдөнө.
Өнөөдөр 10:00 цагт чөлөөт бөхийн эмэгтэйчүүдийн 57 кг-ын жингийн дагах барилдаан эхэлнэ. Уг жинд манай улсаас Болдсайханы Хонгорзул өрсөлдөж буй бөгөөд дагах барилдаанаа Гвиней улсын тамирчин Фатумата Камаратай хийнэ.
Мөн чөлөөт бөхийн эмэгтэйчүүдийн 53 кг-ын жинд манай улсаас Бат-Очирын Болортуяа дэвжээнд гарна. Түүний эхний учраа нь Гуам улсын тамирчин Р.Акино байна.
Харин эрэгтэйчүүдийн 125 кг-ын жинд Мөнхтөрийн Лхагвагэрэл зодоглоно. Тэрбээр энэ удаагийн олимпын наадмын эхний барилдаанаа Беларусийн бөх Денис Храмянковтой хийх оноолт таарчээ.