Авлигын индексийг бууруулах Ажлын хэсгийн хурал боллоо.
Энэ үеэр Хууль зүй, дотоод хэргийн сайд Х.Нямбаатар " Богд Хан уулыг тойрсон бүх амуудад газар олгосон асуудлыг шалгахаар Авлигатай тэмцэх газар маш том ажлын хэсэг гарган ажиллаж буй. Ний нуугүй хэлэхэд, өмнөх үеийн Байгаль орчин аялал жуулчлалын сайд нарын дийлэнх нь Богд уул, Туул гол, Тэрэлжийн сав газрын газар олголтыг хийсэн гэдэг нь үнэн. Цаашид Богд Хан уулд дахин газар олгохгүй байх хууль гаргаж, хамгаалалтад авна. Богд уул орчмыг иргэд алхдаг, амарч зугаалдаг газар болговол яасан юм бэ гэх саналыг байнгын хорооны ажлын хэсэгт тавьсан.” гэлээ.
