УИХ-ын нөхөн сонгуульд оролцох нам эвсэл, бие даагчид өнөөдөр СЕХ-нд материалаа хүргүүлж байна. Тэгвэл Хэнтий аймаг дахь УИХ-ын сонгуулийн 18 дугаар тойрогт нийгмийн сүлжээнд өөрийгөө "Чингисхаан" гэж нэрлэсэн М.Баасанжаргал материалаа СЕХ-нд хүргүүлсэн байна.

Энэ талаар М.Баасанжаргал "Би УИХ-ын нөхөн сонгуулийг маш том боломж гэж харж байна. Хэнтий аймгийн УИХ-ын сонгуулийн 18 дугаар тойрогт бие даан нэр дэвшинэ. Алсыг харж нэр дэвшинэ. Хүмүүс бие даагчийг дэмжээсэй. Хэнтийчүүд "Андлалын хөшөө"-г нураасан цагаас намд итгэхээ больсон. Өнөөдөр орчин үеийн хаант засаглал хэрэгтэй байна. Хаан болох зорилготой нэр дэвшиж байна. Монголд нэг толгой нэг тэргүүн хэрэгтэй." гэлээ.