Өнөөдөр  Ардчилсан намын дотоод зөрчил шүүхээр эцэслэн шийдвэрлэгдсэн эсэх асуудлаар мэдээлэл хийлээ.

Энэ үеэр АН-ын дарга С.Эрдэнэ "Бие даагч Н.Алтанхуяг, МАХН-аас нэр дэвшсэн С.Ганбаатарын УИХ дахь АН-ын бүлэгт орж байгаа гэх асуудал яригдсан. Энэ бол УИХ-ын тухай хуулиараа хориотой. Тиймээс энэ хоёр хүн УИХ дахь АН-ын бүлгийн гишүүдийн тоог нэмэх боломжгүй.

Ц.Туваан Ерөнхийлөгч асан Х.Баттулгын эрх ашигт үйлчилж, дүрмийг мушгин гуйвуулсан учир түүнийг намын гишүүнчлэлийн эрхийг дөрвөн жилээр 2021.08.21-нд түдгэлзүүлсэн. Ц.Туваан цахим мэдээллээ ашиглаад намын үндсэн дүрэмд заагаагүй эрх эдэлж эхэлсэн. Түүний үйлдлээс бол нам хоёр хуваагдсан мэт харагдсан.

УИХ-ын гишүүн Ж.Батсуурь, Б.Бейсен гишүүний эрхийг түдгэлзүүлэх эсэх талаар өнөөдөр мөн хэлэлцэнэ." гэв.