Хөгжлийн банкны чанаргүй зээлдэгч нарын мэдээлэл цацагдаж олон нийтийн шүүмжлэл дагуулаад буй.

Тодруулбал,  2014-2019 онд зээл аваад төлөөгүй 26 компанийг Хөгжлийн банк шүүхэд өгч, 841 тэрбум төгрөгийн нэхэмжлэл гаргасан.

Энэ талаар Ерөнхий сайд асан С.Баяр өөрийн цахим хуудснаа "Хөгжлийн банкны кэйс манайдаа л "Уотэргэйт" болох шинжтэй. Санаатай, санаагүй нь хамаагүй арай л дэндүү юм болж. Улсаа хөгжүүлнэ гэж байгуулсан банк, улсаа өрөнд унагаж. МАН их хурлаараа сая юу тунхаглав. Тэрнийгээ одоо яг хэрэгжүүлдэг түүхэн цаг үе мөн гэж харагдана" гэжээ.