Засгийн газрын ээлжит хуралдааны шийдвэрийг танилцуулж байна.

Энэ үеэр НДШ-ийн 50 хувийн буцаан олголтын талаар ХНХ-ын сайд А.Ариунзаяа дараах мэдээлэл өглөө.

Тэрбээр "Нэг сая төгрөгөөс доош цалин хөлс, орлоготой Нийгмийн Даатгалын Шимтгэл/НДШ/ төлөгч өөрөө төлсөн хэсгийн 50%-ийн буцаалтыг олгох шийдвэрийг УИХ-аас гаргасан. Энэ шийдвэр тавдугаар сарын 1-нээс хэрэгжиж эхэлсэн. Буцаан олголтыг нэг сарын  дараа олгодог. Урьдчилсан байдлаар манай улсад 400 мянган иргэн 1 хүртэл сая төгрөгийн цалин авч байна. Эдгээр иргэн нэг бүрийн дансыг авах ажил үргэлжилж байна. Тавдугаар сарын НДШ-ийг энэ сарын 25-ны дотор буцаан олгоно. Энэ хууль энэ оныг дуустал  хэрэгжинэ" гэв.