Өнөөдрийн УИХ-ын чуулганы нэгдсэн хуралдаанаар Засгийн газрын бүтэц, бүрэлдэхүүнийг шинэчлэх эсэхийг хэлэлцэнэ.

Тодруулбал,  УИХ-ын чуулганы өчигдрийн хуралдаанаар Үндсэн хуульд нэмэлт, өөрчлөлт оруулсан. Харин хуулийн дагуу Үндсэн хуульд нэмэлт, өөрчлөлт оруулсныг УИХ-ын дарга Г.Занданашатар өнөөдөр өөрийн биеэр Ерөнхийлөгчид танилцуулж, Ерөнхийлөгч өнөөдөр ёсчилсон гэдэг мэдээлэл байна. 

Үргэлжлүүлэн Засгийн газрын бүтэц, бүрэлдэхүүнд өөрчлөлт оруулахтай холбоотой хуулийн төслийг өнөөдөр УИХ-д өргөн барихад бэлэн болжээ.

Засгийн газрын тухай хуулийг өнөөдөр 14:00 цагт Төрийн байгуулалтын байнгын хороогоор, 16:00 цагт чуулганы нэгдсэн хуралдаанаар хэлэлцэхээр төлөвлөжээ.