Засгийн газрын хуралдаан 08.00 цагаас эхэллээ. Хуралдаан шинэ бүрэлдэхүүнээр явагдах юм.

Засгийн газар нь бүрэлдэхүүний хувьд Ерөнхий сайд болон 21 гишүүнтэй, бүтцийн хувьд ерөнхий чиг үүргийн дөрөв, чиглэлийн 12 яамтай байхаар болсон билээ.

Хуралдаанаар цаг үеийн асуудал хэлэлцэхээс гадна зарим яамны дэд сайдуудын томилгоог хэлэлцэх аж. Тодруулбал, МАН-ын Удирдах зөвлөл өчигдөр цахимаар хуралдаж, Цахим хөгжил, харилцаа холбооны Төрийн нарийн бичгийн даргын үүрэг гүйцэтгэгчээр ажиллаж байсан Б.Болор-Эрдэнийг үүрэгт ажлаас нь чөлөөлж, тус яамны дэд сайдаар томилохоор шийдвэрлэсэн.

Мөн ЗТХ-ийн сайд асан Л.Халтарыг хуучин яамных нь дэд сайдаар томилохоор тохирсон байдаг.