УИХ-ын 2022 оны намрын ээлжит чуулган өнөөдөр /2022.10.03/ нээлтээ хийлээ. 

Намрын ээлжит чуулганыг нээхээс өмнө Их эзэн Чингис хааны хөргийг хүндэтгэн заллаа.

Энэ талаар УИХ-ын дарга Г.Занданшатар "УИХ-ын 2022 оны намрын ээлжит чуулганы эхэнд Их эзэн Чингис хааны хөргийг залж байна. Эцэг дээдсийнхээ өвлөн үлдээсэн эх орон, гал голомтыг эгнэт бадраан, амар амгалан сайн сайхныхаа төлөө хичээн зүтгэх ёстой. Авлига, ашиг сонирхлын зөрчлөөс ангид байх тангараг өргөснийг Их хааны маань хөрөг өглөө болгон сануулж байг. Гагцхүү хуульд захирагдан, ард түмнийхээ засаглах эрх бүрэн утгаар нь хэрэгжиж байх болно гэдэгт итгэж байна." гэв.