УИХ-ын гишүүн асан, АН-ын Нарийн Бичгийн дарга, хуульч О.Баасанхүү мэдээлэл хийлээ.

Тэрбээр "АН-ын гишүүд эвлэлдэн нэгдэхээр ажиллаж байгаа. Гэтэл С.Эрдэнэ, Х.Баттулга гэсэн хоёр нөхөр хоорондоо хуйвалдаж, энэ намыг хувийн компани болгох гээд байна. Энэ хоёр эрүүгийн хэрэгт барьцаалагдсанаасаа болоод АН-аар тоглоод байна. Энэ хоёр болих хэрэгтэй. 

Бид УИХ-ын сонгуульд энэ хоёр хүнээр удирдуулахгүй. Намын удирдлагад нэр цэвэр лидерүүдийг сонгож оруулахаар ажиллаж байна.

АН-ын эвлэрлээс МАН-ынхан маш их айж байгаа юм байна лээ. С.Эрдэнэ Х.Баттулгыг шүүмжилж, шүүмжилчихээд одоо тэврэлдээд яваад байгаа нь гутамшиг" гэв.