Өчигдөр сошиал орчинд нэгэн группэд  “60 сая төгрөгийн үнэ бүхий сарнайг эхнэртээ бэлэглэж, гэртээ хүргүүлэн авсан эрхэмд баярлалаа” гэсэн пост нийтлэгдсэн нь олны анхаарал татсан.

Тэгвэл  романтик залуу нь  продюсер А.Амундра гэж зарим эх сурвалжууд мэдээлж буй. 

Түүний хувьд 2021 онд МАН-д гишүүнээр элсэж “Монголын Үнэн” сонины эрхлэгчээр томилогдож байсан нэгэн билээ.

А.Амундра нь 2007 онд “News.mn” төслийг санаачлан медиа салбарт үйл ажиллагаагаа эхлүүлсэн бөгөөд 2009 оноос “Боловсрол суваг” телевизийн Гүйцэтгэх захирлаар ажиллаж улмаар “Монгол масс медиа” группийг 2010 оноос хойш тасралтгүй удирдаж өдгөө мэдээ, мэдээллийн төрөлжсөн “Монголын медиа корпораци”, контент үйлдвэрлэлийн “Гэр” контент групп, онлайн болон телевизийн худалдааны “Шууд” суваг бүхий олон талын үйл ажиллагаатай Монголын тэргүүлэх медиа групп болгож өргөжүүлсэн нэгэн юм. “Монгол масс медиа” группийн ТУЗ-ын даргаар сонгогдон ажиллаж буй нэгэн.