УИХ-ын чуулганы үдээс хойших нэгдсэн хуралдаан эхэллээ. Хуралдаанаар Төрийн болон орон нутгийн өмчөөр бараа үйлчилгээ худалдан авах тухай хуулийн шинэчилсэн найруулгын төслийн зарчмын зөрүүтэй асуудалд санал хураалт явуулна. 

Монгол Улс дахь хүний эрх, эрх чөлөөний байдлын талаарх 22 дахь илтгэлийг ХЭҮК-ын дарга Ж.Хунан, Хууль зүйн байнгын хороогоор хэлэлцсэн санал дүгнэлтийг байнгын хороон дарга УИХ-ын гишүүн Б.Энхбаяр танилцууллаа.