Засгийн газар долоо хоног бүрийн лхагва гаригт хуралддаг. Гэвч өчигдөр МАН-ын бүлэг болон УИХ-ын Төрийн байгуулалтын байнгын хороо хуралдаж Засгийн газрыг огцуулах саналыг хэлэлцсэн учраас хуралдаагүй байсан юм. Тиймээс Засгийн газар өнөөдөр хуралдаж байна. Өнөөдрийн хуралдаанаар Анагаахын шинжлэх ухааны үндэсний их сургуулийн өргөтгөл, Газар тариалангийн техникийн шинэчлэл төслийг хэлэлцэж байгаа юм. Мөн Эрүүл мэндийн сайд А.Цогцэцэгийн гадаад томилолтын үр дүнтэй танилцахаар төлөвлөжээ.