"Ханжоу-2022" Азийн наадам БНХАУ-ын Ханжоу хотноо үргэлжилж байна. Тэмцээнд оролцож буй дэлхийн аварга шалгаруулах тэмцээний хүрэл медальт Б.Чинзориг Азийн наадмын хоёр дахь тулаанаа энэ оны дэлхийн аварга, Узбекистаны боксчин Руслас Абдуллаевтай хийлээ.

Тэд дөрвөн сарын өмнө дэлхийн дэвжээнд таарч, Руслас ялж байсан бол энэ удаад Б.Чинзориг боксчин ялжээ. Тэрээр шөвгийн наймд шалгарсан тул медалийн төлөөх тулаанаа Казахстаны боксчин Ертуган Жэйнуллиновтой хийнэ. Мөн шөвгийн наймд энэ оны ДАШТ-ээс Б.Чинзоригийн хамт хүрэл медаль хүртсэн Тажикистаны Баходур Усмоновыг ялсан билээ.