Монгол Улсын гавьяат жүжигчин, дуучин Т.Баясгалан ард түмнийхээ сэтгэлд хоногшсон дуунуудаасаа дээжлэн “Алтан цомог” гаргасан байна.  Нийтийн дууны ертөнцөд давтагдашгүй орон зайгаа эзэлсэн дуучин бүсгүй эхийн элбэрэл, үрийн ачлал, зүрхний тайтгарал, насны хайр шингэсэн уран бүтээлүүдээ шинэ цомогтоо багтаажээ.

“Хайрлан дуулмаар байна”, “Ботгоны дуу”, “Мөнхийн дэргэд ээж минь”, “Хаврын найраг” зэрэг сэтгэлд хүрсэн 20-иод дуугаа багтаасан “Golden album”-ыг Hi-Fi CD shop- ын бүх салбар  дэлгүүрээр худалдаалж байна.