Ардчилсан Намаас цаг үеийн асуудлаар өнөөдөр хэвлэлийн хурал зохион байгууллаа.
Энэ үеэр НИТХ-ын төлөөлөгч М.Тулгат "Х.Нямбаатар хотын дарга болохдоо "Нэг сар ажил хийлгэчих. Тэгээд угаадас цацаарай" гэснийг бүгд санаж байгаа байх. Өнөөдөр сар боллоо. Ямар байдлаар ажиллах вэ гэдгээ харуулсан. Хууль бол нэг талаасаа сайхан сонсогддог ч нөгөөтэйгүүр "албадлага". Хуульчаар дүүрсэн удирдлагын баг хязгаарлалтаар хотын асуудлыг шийдэх юм байна. Хотын асуудал бол менежмент, зохион байгуулалтын асуудал. Тиймээс цаашид асуудлууд шийдэгдэхэд бүрхэг байна. 2024 оны нийслэлийн төсөвт бид бодлого, концепц талаас нь зөвлөмж өгч ажиллана гэдгээ хэлье." гэв.