Ирэх даваа гаригт УИХ-ын намрын чуулган нээлтээ хийх учир наана нь буюу маргааш УИХ дахь МАН-ын бүлэг  Төрийн ордонд хуралдахаар болжээ. Тус намын бүлгийн хуралдаан маргааш 11:00 цагаас эхлэх юм.

Энэ удаагийн МАН-ын бүлгийн хурлаар Засгийн газрын бүтэц, бүрэлдэхүүн болоод Ерөнхий сайдын томилгооны асуудал яригдаж магадгүй юм. МАН-ын Бага хурлаар шинэ Засгийн газрын бүтцэд өөрчлөлт оруулахгүй, бүрэлдэхүүнд өөрчлөлт оруулна гэх асуудлыг ярилцсан талаараа мэдээлсэн юм.