Өмнөговь аймгийн Засаг дарга Р.Сэддорж нь нүүрсний хэрэгт холбогдоод байгаа "Ажнай" Д.Бат-Эрдэнийн хүн буюу баруун гар нь гэдгийг хүн хүнгүй л мэддэг болсон.
Түүний хувьд 2002 оноос хойш Ажнайн Д.Бат-Эрдэнийн хажуунаас холдоогүй гэж хэлж болно. Өөрөөр хэлбэл тэрээр 2002-2006 онд "Ажнай" корпорацийн маркетингийн албаны дарга, 2004-2007 онд УИХ-ын гишүүний бие төлөөлөгч, туслах, 2009-2010 онд "Тавантолгой" ХК-д Санхүү хангамж хариуцсан дэд захирал, 2012 оноос УИХ-ын гишүүний зөвлөх, 2013 онд Орон нутгийн өмчит Тавантолгой ХК-д Гүйцэтгэх захирлаар тус тус ажиллаж байжээ.
Эндээс "Ажнай"Д.Бат-Эрдэнийн ойрын хүн гэдгийг нь эндээс төвөггүй харж болно.
Цаашлаад "Ажнай" Д.Бат-Эрдэнэ Өмнөговь аймгийг өөрийн эзэмшил мэт л аашилж байгаа. Ингээд 2020 онд өөрийн баруун гар болох Р.Сэддоржийг Өмнөговь аймгийн Засаг даргаар томилсон юм.
Өнгөрсөн нэгдүгээр сард Р.Сэддоржид хилийн хориг тавьж, Д.Бат-Эрдэнэтэй уулзахыг хориглож байсан бөгөөд тэрбээр мөн нүүрсний хэрэгт холбогдож яллагдагчаар татагдсан юм.
Гэтэл тэр өнөөдөр илүү ихийг хүсч, УИХ-ын гишүүн болно гээд лобби ажлаа хийгээд явж байх юм. Угтаа улсаас их хэмжээний мөнгө идчихээд шалгагдаж байгаа энэ мэт хүмүүсийг УИХ-д нэр дэвшүүлэх нь хэр зохистой вэ...
Түүний хөрөнгө, орлогын мэдүүлгээс /ХОМ/ харахад
- Өөрийн орлого 44 сая төгрөг.
- Гэр бүлийн орлого 58 сая төгрөг.
- 827 сая төгрөгийн нийт таван орон сууцтай.
- Land Cruiser 200, суудлын жижиг машин болох Dodge,Nitrosx болон Land Cruiser 80 буюу 180 сая төгрөгийн нийт гурван автомашинтай.
- 222 сая төгрөгөөр үнэлэгдэх 168 толгой малтай.
- Дотоодын банк санхүүгийн байгууллагад 322 сая төгрөгийн хадгаламжтай.
- "Галтваань" ХХК, "Говь төрх" ХХК, "Тогоон төмөр цайз" ХХК-д хувьцаа эзэмшдэг байна.
