ОХУ-аас АНУ-д суугаа Элчин сайдтай холбоо барин засаг захиргааны албаны хүмүүсийг төөрөгдөлд оруулсан гэх мэдээлэл гарсны дараа Ерөнхийлөгч Дональд Трамп Үндэсний аюулгүй байдлын зөвлөх Майкл Флиннийг даваа гарагт огцруулсан тухай Цагаан ордон мэдэгдлээ.

Цагаан ордны мэдэгдэлд дурдсанаар, чөлөөнд гарсан дэслэгч генерал Кит Келлогг-ийг Үндэсний аюулгүй байдлын зөвлөхийн үүрэг гүйцэтгэгчээр томилжээ.

Нэгдүгээр сарын 20-нд болсон Д.Трампын тангараг өргөх ёслолоос өмнө М.Флинн Оросын Элчин сайдтай  утсаар ярьсан нь дипломат маргааны асуудлаар гадаад улс орнуудын төлөөлөгчидтэй АНУ-ын иргэн холбогдож, яриа хэлэлцээ хийхийг хориглох тухай хуулийг зөрчсөн хэрэг ажээ.