Хөдөлмөр, нийгмийн хамгааллын сайд Х.Булгантуяа цагийн үеийн байдлаар дараах тодруулга мэдээллийг өгчээ.
Тэрээр,
"Эрх нь зөрчигдөж байгаа хүүхдүүдийн 76-77 орчим хувь нь гэр бүлийн орчинд эрх нь зөрчигдсөн байдаг. 108 утсанд ирж буй дуудлагын 3/1 нь бие махбодийн хүчирхийлэл, 3/1 нь сэтгэлзүйн хүчирхийлэл, 30 орчим хувь нь үл хайхрах, үлдсэн хувь нь үе тэнгийн дээрэлхэлттэй холбоотой дуудлага байна. Харин 3 орчим хувьд бэлгийн хүчирхийллийн дуудлага мэдээлэл бүртгэгддэг. Үүнээс харахад сүүлийн үед үе тэнгийн дээрэлхэлтэй холбоотой дуудлага нэмэгдэж байна" хэмээлээ.