2024 оны УИХ-ын сонгуульд нэр дэвших эрхээ авсан УИХ-ын гишүүн Н.Алтанхуягийн байр суурийг тодрууллаа.

Тэрбээр “Намайг Сонгинохайрхан дүүргийнхэн, Эрдэнэтийнхэн нэр дэвшүүлье гэсэн байсан. Би АН-ын дарга 6 жил хийж, Ерөнхий сайдаар ажиллаж байсан хүний хувьд оч гэсэн газар чинь очъё гэсэн. Ингээд Сонгинохайрхан дүүрэгт намайг гаргасан. Би хэрүүл уруул хийгээгүй. Миний бодолтой нийцсэн. Сонгинохайрхан бол миний унаган дүүрэг. Би их сургуулийн багшийн ажлаа болиод хоёр өрөө байр авахдаа анх Сонгинохайрханд очсон. Сонгинохайрхан бол миний хайртай дүүрэг. Том тойрогт залуу хүмүүс танигдах хэцүү. Над шиг олон жил муу, сайн хэлүүлсэн юмнуудын нэр усыг тогтоосон байдаг байх.” гэв.