УИХ-ын сонгуулийн 4-р тойрогт МАН-аас нэр дэвшиж буй Цэрэнпилгийн Даваасүрэн " Малчдаа орлоготой байлгаж,төрөлх нутагтаа тогтвор суурьшилтай амьдрах"  БОЛОМЖИЙГ БҮРДҮҮЛНЭ.

Энэ талаар "Миний бие аймгийнхаа 20 суманд бяслагийн үйлдвэр байгуулах зардлыг Улсын төсөвт тусгуулсан. Эхнээсээ баригдаад ашиглалтад ороод явж байна. Органик бяслаг экспортолдог анхны аймаг болгоно гэж зорьж байгаа.

Анх гишүүн болсон цагаасаа хойш бүх сумдадаа 4-5 барилга бариулсан. Сургууль, цэцэрлэг, дотуур байр, соёлын төв гээд.

Сүүлийн жилүүдэд малчдаа орлогтой болгох, ажлын байр бий болгох, жижиг дунд үйлдвэрлэл хөгжүүлэхэд ихээхэн анхаарал хандуулж ирлээ.

Гар аргаар гэртээ хиам хийх арга технологийг сургахаар хиам хийх зориулалттай 500 ширхэг махны машиныг сум сумдад хувиарлаж сургалт явуулж үзлээ. Малчин бүсгүйчүүд зав чөлөөгөөрөө хиам хийгээд гадны нэг жуулчинд зарчихаад сууж байх нь л экспорт шүү дээ. Энэ ажлыг илүү боловсронгүй болгож үргэлжлүүлэхийг зорьж байгаа.

Мөн 2012 онд сумдадаа пад трактор, сүү цагаан идээ боловсруулах машин олгож байлаа. Түүнийгээ дагнаж үйлдвэрлэл эрхлэсээр байгаад хөлөө олчихсон өрхүүд байдаг юм. Гэх мэтчилэн сэтгэл гаргаад дэмжээд өгчих юм бол болохгүй зүйл үгүй санагддаг.

Миний энэ ярьж бодож ирснийг бусад гишүүд, нэр дэвшигчид маань дэмжин уриалдаг болсон байгаа нь талархууштай байна.

Өргөн уудам газар нутгаа малаар дүүргэн эзэнтэй байлгадаг малчин түмэн бол тусгаар тогтнолын баталгаа юм." гэв.