УИХ-ын гишүүн Ц.Мөнхтуяа цэцэрлэгийн багш нарт ханиадны үед 7-14 хоногийн цалинтай чөлөө олгох саналыг  Боловсролын сайд П.Наранбаярт хүргүүлжээ.

Тодруулбал, цэцэрлэгийн багш, ажилчдад томуу, томуу төст өвчний үе буюу 2025 оны нэгдүгээр сард багтаан 7-14 хоногийн цалинтай чөлөө олгох хүсэлтийг хүргүүлсэн байна.

Энэ талаар УИХ-ын гишүүн Ц.Мөнхтуяа "1-р сард багтаан өмчийн бүх сургууль, цэцэрлэгийн багш, ажилчдад 7-14 хоног цалинтай чөлөө олгохыг хүслээ.

Боловсролын сайд П.Наранбаярт өвлийн ид хүйтэн, ханиад томууны дэгдэлтийн үед буюу 2025 оны 1-р сард багтаан өмчийн бүх хэлбэрийн цэцэрлэгийн багш, ажилтнууддаа ээлжээр 7-14 хоногийн цалинтай чөлөө олгож өгөхийг хүссэн албан бичиг хүргүүллээ.

Хэрвээ ингэж чадвал олон мянган цэцэрлэгийн багш, ажилтнууд маань эмнэлэгт үзүүлэх, амрах, сувилуулах, агаарт гарах, дархлаагаа дэмжих боломжтой болох юм." гэжээ.