Сүүлийн үед УИХ-ын гишүүний бүрэн эрхийн хугацаа дууссан, дахин сонгогдоогүй гишүүд хүсэлт гаргавал 12 хүртэлх сарын цалинтай нь тэнцэх хэмжээний тэтгэмж олгодог заалттай холбоотой мэдээлэл гарч байгаа билээ. Уг асуудалтай холбоотой хуулийн зохицуулалтын талаар УИХ-ын Ерөнхий нарийн бичгийн дарга Б.Баасандорж хэвлэлийнхэнд мэдээлэл өгсөн.

Тэрбээр "2020 онд сонгогдсон 76 гишүүний 38 нь дахин сонгогдсон. Үлдсэн 38 гишүүнээс 30 гаруй нь тэтгэмжээ авсан." гэдгийг хэлсэн юм.

Тэгвэл  өмнөх парламентаас дахин сонгогдоогүй Г.Амартүвшин, П.Анужин, С.Чинзориг, Ж.Мөнхбат, Д.Сарангэрэл нарын 30 гишүүн  ТЭТГЭМЖ авах ХҮСЭЛТ гаргажээ.