Цүнх бол загвар сонирхогчдын хувьд хамгийн үнэ цэнэтэй, эрхэм нандин эд зүйл гэдэгтэй маргах хүн олдохгүй биз ээ. Тиймээс хэрвээ та шинэ цүнхний эрэлд гарсан бол бидний бэлдсэн доорх чиг хандлагуудыг анхааралдаа авч, хэзээ ч харамсахааргүй оновчтой сонголт хийгээрэй.
Улирал бүр шинэ загварын цүнхнүүд загварын редакторууд, томоохон дэлгүүрүүдийн худалдан авагчид болон street style одуудын гарт очсоноор олон нийтэд танигдаж эхэлдэг. Гэхдээ зөвхөн цөөн хэдэн загвар л "It bag" буюу одоо цагийн хамгийн алдартай, эрэлт ихтэй цүнхээр тодордог юм. Томоохон брэндүүдийн танилцуулсан төрөл бүрийн хэлбэр, өнгө, материал ба чимэглэлтэй цүнхнүүдээс аль нь чухам энэ улиралд хамгийн загварлаг дизайнтай бас эрэлт ихтэй байгааг олж мэдэхийн тулд "Их дөрвөл" буюу Нью-Йорк, Лондон, Милан ба Парис хотуудын загварын долоо хоногийн street style сурвалжлагуудыг ажиглахад л хангалттай. Дэлхийн өнцөг бүрийн хамгийн дэгжин, загварлаг бас нарийн мэдрэмжтэй бүсгүйчүүд нэг доор цуглардаг уг арга хэмжээнээс бид загварын ертөнцийг байлдан дагуулж буй шилдэг цүнхнүүдийг олж харах болно.
J.W. Anderson маркийн цагирган чимэглэлтэй "Pierce" загвараас эхлээд Loewe-гийн этгээд хэлбэрийн "Puzzle" хүртэлх олон төрлийн цүнхнүүд яг одоогийн байдлаар хүчээ авч байна. Тэгэхээр томоохон хөрөнгө оруулалт хийхэд бэлдэж, мөнгөө цуглуулж буй хүмүүст, эсвэл тренди цүнхний хэлбэрээс санаа авч илүү хямд загварын эрэлд гарсан уншигчиддаа зориулж бид хамгийн шилдэг 14 цүнхийг жагсаалаа. Тэмдэглээд аваарай!
J.W.Anderson - Pierce Medium Shoulder Bag
Chloé - Faye Medium Shoulder Bag
Gucci - Dionysus GG Supreme Shoulder Bag
Loewe - Puzzle Shoulder Bag
Gucci - Marmont Matelassé Shoulder Bag
Mansur Gavriel - Lady Bag
Prada - Cahier Bag
Fendi - Peekaboo Satchel
Valentino - Borsa My Rockstud Bag
Louis Vuitton - Petite Malle Bag
Balenciaga - Bazar Shopper Bag
Dior - Diorever Bag
The Row - Leather Backpack
Chanel - Flap Bag FW16/17 Pre-Collection
Эх сурвалж: http://www.buro247.mn/fashion/trends/it-bags-2016.html
