УИХ-ын гишүүн Д.Ганбат "Төмөр замын салбарт том шинэчлэлт хэрэгтэй. Сталины үеийн 40 км цагийн хурдтай төмөр замтай улс манайхаас өөр бараг байхгүй. Цахилгаанд холбож хурдтай, хүртээмжтэй болгох талд анхаарах хэрэгтэй. Транзит тээврээс хэн ямар төлбөр авдаг юм. Манай улсын иргэдийн ачаа тээвэр боломжийн үнээр ирж чадаж байгаа юу" гэв.

Зам, тээврийн сайд Б.Дэлгэрсайхан "Орос-Монголын хамтарсан төмөр замаар үсрээд л 60км/ц хурдалж болно. Монголын төмөр зам үнэхээр дэлхийн хөгжлөөс хоцрогдсон. Тиймээс бид "Гурван улс хамтарч төмөр зам барья" гэдэг санал дэвшүүлсэн. Хоёр хөрш маань одоогоор хариу өгөөгүй байна." гэв.